Министарство просвете, науке и технолошког развоја | Република Србија

Lat

Образованє на далєкосц на руским язику
Образовање на даљину на русинском језику

Образованє на далєкосц на язикох националних меншинох

Влада Републики Сербиї принєсла одлуку, пре хвилькову епидемиолоґийну ситуацию у жеми, застановиц директну наставну роботу у шицких основних и штреднїх школох

Дочасове застановйованє настави у школох нє значи и застановйованє образовно -воспитней роботи зоз школярами

Министерство просвити, науки и технолоґийного розвою почитуюци Милениюмски розвойни циль 4: Квалитетне образованє: Посцигованє инклузивного и квалитетного образованя шицких дзецох потвердзує прешвеченє же школованє наймоцнєйше и доказане средство отримуюцого розвою.

Прето, з цильом витворйованя права шицких школярох на образованє, у Министерству просвити, науки и технолоґийного розвою пририхтани оперативни план за предлужованє роботи у очежаних условийох. Зоз тим планом ше бере до огляду вельке число розличних програмох и ученя у шицких класох основней и штреднєй школи, и трима фокус на орґанизованим ученю на далєкосц хторе доприноши ґу реализациї програмних змистох общеобразовних предметох и фахових предметох з найвекшим фондом годзинох. Министерство предвидзує и потримує реализацию образовно-воспитних активносцох през розлични канали и форми комуникациї:

  • зоз емитованьом окреме пририхтаних и адаптованих наставних змистох хтори резултат програмох настави и ученя за одредзену класу и предмет за школярох основних школох на сербским язику на трецей програми РТС;
  • зоз правеньом репозиториюма образовних видео-змистох за школярох штреднїх школох на платформи РТС Планета, дзе их годно и вецей раз препатриц, исти або наступних дньох. Тиж, надпоминаме же оператере нє буду наплацовац прецеканє и преношенє податкох за наведзени едукативни змисти;
  • зоз запровадзованьом нацоналней платформи за он-лайн ученє Моя школя;
  • даванє на хаснованє сету алатох за он-лайн комуникацию школярох и наставнїкох;
  • творенє условийох за диґиталну солидарносц – дзелєнє авторских наставних материялох медзи практичарами.
  • У сотруднїцтве з РТ Войводина як и локалнима и меншинскима медиями од пондзелку, 23. марца 2020, почало ше знїмац и емитовац годзини мацеринског язика на шицких 8 меншинских язикох на хторих ше трима вкупну наставу (албанским, босанским, болгарским, горватским, мадярским, румунским, руским и словацким язику). Розпорядок за емитованє годзинох на язикох националних меншинох мож провадзиц на тим линку: положиц урл за «Образованє на далєкосц на язикох националних меншинох»

Тоти способи роботи, ТВ и електронска комуникация, як и платформи за ученє, доступни шицким школяром хтори ше образую на сербским язику ябо на язикох националних меншинох, а Министерство дава потримовку школяром, наставнїком и родичом и доприноши превозиходзеню хвильковей епидемиолоґийней кризней ситуациї оможлївююци школяром предлужованє образованя. На банерох и у ТВ прилогох школяре годни мац на час информациї о розпорядку емитованя образовних змистох и о других релевантних инициятивох хтори допринєшу витворйованю предвидзених резултатох у настави и ученю.

Модлїме наставнїкох хтори преподаваю на язикох меншинох же би окремну потримовку дали школяром у позарядових обставинох и наставу на мацеринским язику дополнєли з додатним материялом и он-лайн змистами за школярох. Зоз оглядом же ше нє пририхтує змисти за обовязни предмет Сербски як нємацерински язик, наставнїки за тот предмет можу предложиц емисиї годзинох хтори емитовани на сербским язику.



Microsoft Teams

Microsoft под час тирваня кризного периода оможлївел безплатне хаснованє Office 365 платформи у рамикох хторей доступна верзия Teams апликациї хтора прилагодзена за образованє. Платформа школом будзе доступна безплатно и познєйше и оможлїви шицким наставнїком, школяром, професором и студентом же би орґанизовали виводзенє настави на далєкосц прейґ интернета, прейґ ґрупней видео поволанки у хторей наставнїк/професор може зоз студентами дзелїц змист свойого екрану, як и знїмац цалу годзину и оможлївиц ю доступним шицким школяром/студентома з одвитуюцей ґрупи.

Приступ ґу платформи обезпечени за шицких школярох и наставнїкох у основних и штреднїх школох. Ґу платформи мож приступиц зоз рахункарох и мобилних апаратох. За тих цо нє маю доступни иншаки приступ ґу интернету ше обезпечи безплатни приступ ґу платформи з поштредованьом мобилних мрежох MTС Телеком и Теленор. Надпоминаме же ше ґу платформи приступа з хаснованьом адреси електронскей пошти яку ше достава кед ше на достате хасновательне мено надовяже "@eprosveta.ac.rs" (напр. за хасновательне мено 12345_234_р3ос_о1_у55 адреса за приступ ґу платформи то 12345_234_р3ос_о1_у55@eprosveta.ac.rs). Кед школяр и далєй ма проблем зоз приступом ґу платформи, родитель треба же би ше обрацел ґу класному старшинови и преверел чи доручена точна инициялна лозинка.

Же би ше наставнїки цо лєпше пририхтали за хаснованє платформи, Microsoft орґанизовал безплатни онлайн оспособйованя за наставнїкох о чим, зоз поштредованьом директора, прешлїдзена информация ґу шицким наставнїком (прешлїдзени и напрямки за приступ ґу оспособйованьом). Тиж, пририхтани и упутства за хаснованє платформи хтори дати у предлуженю. Надпоминаме же у пририхтованю додатни кратки видео упутства хтори приказую практични приклади применьованя платформи.

Упутство за хаснованє Microsoft Teams у настави на далєкосц - за наставнїкох

Упутство за хаснованє Microsoft Teams у настави на далєкосц - за школярох/студентох

Кратки водзач за хаснованє Microsoft Teams у настави на далєкосц


 

2020. Министарство просвете, науке и технолошког развоја